Dag fem + hundreogto ting som gjer meg lukkeleg

Innrømming: Eg er lei.

MEN: Det ser ut til at eg er på betringens veg, då det vesle eg får i meg ikkje har kome i retur på førtiåtte timar. Hurra!

No ser eg fram til å kunne kome meg ut til våren, sidan eg ikkje har vore utfor ei dør sidan lørdag.
I morgon. Kanskje, kanskje.

Imens:

Hundre ting som gjer meg lukkeleg

 (i tilfeldig rekkefølgje - i den grad noko er tilfeldig)

•   Den første kjensla av vår etter ein vinter
• Sommarfuglar
• Folka mine
• Yoghurtnøtter og yoghurtbananchips
• Witch-teikneserien
• Å få ransake nokon sitt loft
• Harry Potter
• (Norske) eventyr
• Stader som Aurland, Hardanger og Lofoten
• Grotlesanden
• Kattungepotar
• Storemora og lisjepusen
• Å lukte på nyvaska handkle
• Å snurre i ein ny kjole
• Kjolar med søte kragar
• Å finne ein skatt av ein "gøymd" butikk på gåtur i Bergen
• Ord i diktform eller anna som treff det inste rommet
• Haustfargar
• Jul
• Kram snø
• Flette(r) i håret
• Lukta av brente fyrstikker
• Eldre menn som syng mens dei arbeidar i kjellaren
• Nynninga til Momma
• Huset til Momma
• Heimekjensla heime
• Sjå på bilete frå tider som har vore, førestille meg liv og augeblikk
• Drøyme om tider som skal komme, førestille meg liv og augeblikk
• Marihøner
• Lukta av gras og markblomar
• (Prøve) å lage blomekrans i mai
• Lese til eksamen ute
• Augeblikk der ein kjenner at lause trådar er anten samla eller ikkje lenger betyr noko. Oppstår gjerne når ein sit ute i ein hage saman med eit kjært menneske eller ei kjær bok, og nyt stilla, god mat og drikke medan dagen går mot kvil
• Når nokon seier at noko eg har skrive er bra
• Stemma til Helene Bøksle
• Folk eg ikkje kjenner som smiler til meg på gata
• Å kjøpe Megafon av ein gateseljar
• Å strikke
• Å lage kort til folk
• Å skrive (når ein føler at ein har fått til noko)
• Å skape generelt
• Ristorante Mozzarella-pizza
• Når noko ein har grua seg kjempemykje til, gjekk bra
• Klistermerker
• Hårspenner
• Å spele Rummy
• Å gå fjelltur, ha nistepauser der ein betraktar naturen
• Firbeinte
• Narnia
• Å ta buss
• Smila til nokon ein er glad i når ein møter dei etter ikkje å ha sett dei på lenge
• Lette sommarkjolar med stoff som flyter i lufta som vinden
• Bølgete hår
• Berrføtt
• Fregner
• Is
• Ringenes Herre
• Å få ein god karakter eller ei god tilbakemelding på ei skuleoppgåve
• Store auge
• Folk som tør å skilje seg ut
• Folk som tør å vere barnlege, trass i alder
• Store, søte jordbær
• Plukke blåbær
• TV-kveldar
• Tørt lauv som ein kan kaste opp i lufta
• Ta bilete
• Bade i sjøen
• Klatre i tre
• Disney-filmar
• Lakke neglane
• Selebukser
• Spansk og andre språk
• Nynorsk
• Mørkeblå
• hjartesmil
• Folk med fin latter
• Baby-/barnehud
• Å glede seg til noko bra som ein veit kjem
• Sjokolade med melkefyll
• Sykle (ikkje i byen!)
• Stå på rulleskøyter
• Bøkefisk
• Å galoppere på hest ute i det fri
• Skogbotnar dekka av trekløver
• Fine skjørt i stoff som "flyt" rundt ein
• Oreo-kake
• Natronkaker med sirup
• Å gje og få gåver
• Flygedraumar (i både bokstaveleg og biletleg forstand)
• Å dikte opp historiar i to timar for å få små tanteborn til å sove
• Latterkramper
• Internhumor
• Torsdags kveld fra Nydalen og gode parodiar generelt
• Menneske som bryr seg om dei verkelege verdiane i livet
• Menneske som er tolerante, opne og som ikkje dømmer lett
• Å bli kjend med nokon som ein har mykje til felles med, drøyme om at ein skal bli besteven med vedkommande
• Å bli frisk etter å ha vore sjuk
• Morgonar etter lange netter
• Vakre kjærleikshistoriar, gjerne om to som til slutt får kvarandre mot alle odds
• Soloppgongar og solnedgongar
• Klemmar

Hylkje, våren -09