Consejos para tí

Har lagt merke til at alle bloggarar med respekt for seg sjølv lagar lister med tips. Då kan ikkje eg vere dårlegare.

# Bruk fluor. Sidan dei billigaste tannlegerekningane det er mogleg å få (tør eg påstå) etter fylte tjue ligg på denne prisen:

(og i tillegg kan du vere så heldig å få premie!)

# Kjøp strømpebuksene dine på Sparkjøp eller Fretex. Dei har kjempegod kvalitet, synest eg.

# Leik. Masse. Og aldri slutt. Og dersom du sluttar; begynn igjen.

# Saml på klokskap.

# Et. For Guds skuld, menneskje - et.

# Lat framande kattar hoppe inn glaset ditt, uansett kva sambuarar seier.

# Ta mange bilete av deg sjølv der du ser finare ut enn du eigentleg er.

# Ha gode vener. Ta desse gode venene, og inviter dei på kortlagingsverkstad.

# Gå på kaféar som har sånne skilt. Og berre gå på kafé sånn generelt.

# Skriv i sanden.

# Lytt til mannen i gata. Eventuelt ikkje.

# Leit etter skattar på besteforeldre sitt loft.

# Ha ein sparesau. Legg pengar på mens du er rik, gløym dei, og kom på dei igjen når du er fattig.
Gris funkar óg.

# Tilbring tid med barn og dyr.

# Le. Masse. Sjølv om du synest du ser teit ut.

# Unn deg. Ting, tid, rom, kjensler og fem koppar sjokoladekaffi om dagen. Vi lev berre éin gong - du vil ikkje tenke på dei sjokoladekaffiane eller dei to forelesingane du droppa den same veka når du blir gammal.

# Slutt å tru på det som står i vekeblad. Les dei likevel.

# Finn eit eller fleire yndlingsdikt, og lat det/dei vere med på å danne bakgrunn til livet ditt.

# Ver barnleg. Bygg lesehytte. Helst av stolar og pledd, men paraply funkar óg.

# Slepp ut tårer som må ut. Gjerne ned i ein pels.

# Bu med eit romvesen.

# ... eventuelt fleire.

# Ta buss ein heil dag.

# Ver teit.

# Aldri slutt å undre deg.

# Kjøp mangoane dine av merket Bendit. Dei er best.

# Våg å tru på noko du eigentleg ikkje trur på. Nokon gongar er det det einaste som kan få deg vidare.

# Og viktigast av alt: Aldri, aldri, ALDRI gje opp.