Men størst av alt er kjærleiken

I dag - eller rettare sagt i går då, sidan eg er så treig med å få publisert - ville mamma og pappa hatt bryllaupsdag. Har fått lov av mamma å legge ut dette biletet, som eg fann på loftet hos momma då eg var hos sistnemnde. Då eg fann det, vart eg sitjande å stire på det i fleire minutt. For som liten var det alltid dette biletet av mamma og pappa eg likte best, ikkje det offisielle bryllaupsbiletet (eg hadde sett dette i eit album). Og så fann eg det no, i den magisk fine ramma i tillegg. Så sa momma at eg kunne få det, og sånn ca to sekund etterpå vart eg travelt oppteken med noko i augekroken.

Så kom tanken til meg: Alt byrjar med kjærleik.
For det gjer jo det.