Domingo

I går var eg flink husmor. Tok meg av min lenge forsømte plante, Trygve; han fekk vere med inn på rommet og få lys og frisk vårluft frå glaset. I tillegg tørka eg støv av han, kvart einaste minste blad, og fortalde han om dagen min. Vi har eit nært forhold, kan du seie. Han er mannen i mitt liv, faktisk. Det har han vore i over tre år no.

Eg fekk dessuten festa trådar på lappar, og strikka nye, til det som skal bli eit stort lappeteppe av restegarn ein dag.

Men det stoppar ikkje der! Hånei, du. Eg fekk óg rydda i skapet mitt slik at eg fekk plass til alle gensarane, eller overdelane som ho mor seier, i éi hylle.

.... Slik at eg fekk ei heilt tom ei, som eg kunne bruke til langt viktigare ting.

Måtte så klart posere med ulike OUTFITS, for OUTFITS er viktig når ein skal ha blogg, har eg skjønt.

Og vi vil vel ikkje miste nokon av dei tre lesarane våre, June? Nei, det vil vi ikkje. Preciousssssssssss...

Uansett.

Så var eg ferdig med å vere husmor, og då brukte eg resten av dagen til å sjå filmar og seriar, stire i veggen, ikkje lese spansk, og sjå på bilete av fuglen som har flyge til Afrika.